नेपालको आर्थिक वर्ष २०८०/८१ मा संघ र प्रदेश सरकारको बेरुजु रकम २१ अर्ब ५१ करोड ९६ लाख पुगेको छ। महालेखा नियन्त्रक कार्यालयको केन्द्रीय लेखाको एकीकृत वित्तीय विवरण अनुसार, यस वर्षका लागि १ अर्ब १३ करोड ५० लाख रकम नियमित गर्नुपर्ने, १ अर्ब ९२ करोड ९६ लाख असुल गर्नुपर्ने र १० अर्ब ४५ करोड ४९ लाख पेश्की बेरुजु रहेको छ।
सङ्घीय सञ्चित कोष २ खर्ब २४ अर्ब ९९ करोड १३ लाख ऋणात्मक रहेको छ, जबकि सरकारको कुल राजस्व संकलन लक्ष्य १२ खर्ब ४७ अर्ब ६३ करोड ४२ लाखमा ९ खर्ब ५६ अर्ब २६ करोड ५६ लाख मात्र संकलन भएको छ। सरकारी खर्च १३ खर्ब ९३ अर्ब ३९ करोड ४२ लाख पुगेको छ।
सरकारले ४ खर्ब ८० लाख बजेट हस्तान्तरण गर्ने लक्ष्य राख्दा ३ खर्ब ३९ अर्ब ४१ करोड ६२ लाख मात्र हस्तान्तरण गरेको छ। आर्थिक वर्षमा ३ खर्ब ६० अर्ब ८ करोड ७५ लाख ऋण उठाइएको छ, जसमा १ खर्ब २५ अर्ब ६६ करोड ६१ लाख वैदेशिक ऋण र २ खर्ब ३४ अर्ब ४२ करोड १४ लाख आन्तरिक ऋण रहेको छ।
महालेखा नियन्त्रक कार्यालयले आगामी वर्षमा विदेशी ऋण र अनुदानबाट २४ अर्ब रकम शोधभर्ना गर्न बाँकी रहेको जनाएको छ।
प्रतिकृया