नेपालीहरुको महान् चाडहरू हरितालिका तीज, बडा दसैं तथा शुभ दीपावलीलाई लक्षित गर्दै स्मार्टचोइस टेक्नोलोजीज लिमिटेड (SCT) ले “तिर्की दाउ” अफर सार्वजनिक गरेको छ। यस अफर अन्तर्गत SCT-UPI डेबिट कार्ड प्रयोगकर्ताहरूले POS मार्फत विद्युतीय कारोबार गर्दा रु ७७७ सम्मको क्यासब्याक प्राप्त गर्न सक्नेछन्।
यस अफरमा भाग लिन चाहने तर हालसम्म SCT-UPI डेबिट कार्ड नलिइएका ग्राहकहरूले आफ्नो नजिकको SCT सम्बद्ध बैंक तथा वित्तीय संस्थामा गएर कार्ड लिन सक्नेछन्। ग्राहकहरूले यस अवधिमा ६ महिनादेखि प्रयोग नगरिएको SCT-UPI डेबिट कार्ड प्रयोग गर्दा रु १११ को क्यासब्याक प्राप्त गर्नेछन् सबै प्रयोगकर्ताले तीन वा सोभन्दा बढी पटक कारोबार गर्दा रु ३३३ क्यासब्याक र सात वा सोभन्दा बढी पटक कारोबार गर्दा रु ७७७ क्यासब्याक पाउनेछन।हरेक कारोबारको रकम ५०० रूपैयाँ वा सोभन्दा धेरै हुनुपर्नेछ र एउटै टर्मिनलबाट दिनको एक पटक मात्र गरिएको कारोबार अफरका लागि मान्य हुने कम्पनीले जनाएको छ |
यो अफर नेपालमा मात्र नभई भारतमा पनि लागू हुनेछ । भारतमा रु २५०० वा सोभन्दा धेरैको कारोबार गर्दा ग्राहकहरूले रु २५० क्यासब्याक प्राप्त गर्न सक्नेछन्। अफरको विस्तृत जानकारी र शर्तहरू SCT को आधिकारिक वेबसाइटमा उपलब्ध छ। यो अफर भाद्र १६ गते देखि कार्तिक १५ गतेसम्म लागू हुने कम्पनीले उल्लेख गरेको छ |
प्रतिकृया