अपर हेवाखोला हाइड्रोपावर कम्पनी लिमिटेडको स्थगित भएको साधारण सभा गते बस्ने भएको छ । कम्पनीले गत वर्ष चैत १६ गतेका लागि बोलाएको उक्त सभा ‘विशेष कारणवश’ स्थगित भएको थियो । कम्पनीको असार ३ गते बसेको सञ्चालक समिति बैठकले काठमाडौंको गौशालास्थित तारकेश्वर पार्टी प्यालेसमा उक्त दिन बिहान ११ बजे पुनः सभा गर्ने निर्णय गरेको छ ।
सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारणको विषय टुङ्ग्याउनेछ । सभाले उपयुक्त नयाँ जलविद्युत् आयोजना परिचान गरी लगानी गर्ने वा अन्य कम्पनीद्वारा प्रवर्द्धित वा निर्माणाधीन जलविद्युत् आयोजनामा लगानी गर्ने विषयमा पनि आवश्यक निर्णय गर्नेछ ।
साथै, सर्वसाधारण सेयरधनी समूहबाट प्रतिनिधित्व गर्ने एक जना सञ्चालकको पद रित्त रहेकाले उक्त पदमा बाँकी अवधिका लागि सञ्चालकको निर्वाचन गर्ने कार्यक्रमसमेत सभाका लागि तय भएको छ । सञ्चालक समितिबाट गरिएको स्वतन्त्र सञ्चालकको नियुक्ति अनुमोदनसमेत सभाले गर्नेछ ।
साधारण सभा प्रयोजनका लागि कम्पनीले फागुन २४ गते बुक क्लोज गरिसकेको छ । यसर्थ गतेसम्म कायम सेयरधनीहरु मात्रै सभामा भाग लिन सक्नेछन् ।
#BajarkoChirfar #Bazarkochirfar
प्रतिकृया