सर्वसाधारणले सूर्यकुण्ड हाइड्रो इलेक्ट्रिकको आईपीओ भर्ने आज अन्तिम दिन, अहिलेसम्म कति पर्यो आवेदन ?

सूर्यकुण्ड हाइड्रो इलेक्ट्रिक कम्पनी लिमिटेडको प्रारम्भिक सार्वजनिक निष्काशन (आइपीओ) मा आवेदन दिने आज अन्तिम दिन रहेको छ। कम्पनीले माघ १८ गतेदेखि दोस्रो चरणअन्तर्गत सर्वसाधारणका लागि आइपीओ बिक्री खुला गरेको हो।

कम्पनीले प्रतिकित्ता १०० रुपैयाँ अंकित दरमा कुल ५ लाख ७२ हजार ४३१ कित्ता साधारण सेयर निष्काशन गर्न लागेको छ। जसमध्ये सामूहिक लगानी कोषका लागि ३४ हजार ४८४ कित्ता र कर्मचारीका लागि १३ हजार ७९३ कित्ता सेयर छुट्याइएको छ।

Ads

Ads

Ads

यस आइपीओमा लगानीकर्ताले न्यूनतम १० कित्तादेखि अधिकतम ५० हजार कित्तासम्म आवेदन दिन सक्नेछन्।

आइपीओ निष्काशनका लागि गरिएको रेटिङमा केयर रेटिङ नेपालले कम्पनीलाई केयरएनपी डबल बी माइनस (CARE-NP BB-) इस्यूअर रेटिङ प्रदान गरेको छ। यसले कम्पनीको वित्तीय दायित्व बहन गर्ने क्षमतामा मध्यम स्तरको जोखिम रहेको संकेत गर्दछ।

कम्पनीको सेयर निष्काशन तथा बिक्री प्रबन्धक कुमारी क्यापिटल लिमिटेड रहेको छ। लगानीकर्ताले नेपाल धितोपत्र बोर्डबाट स्वीकृति प्राप्त सम्पूर्ण सी–आस्बा सदस्य बैंक तथा वित्तीय संस्था तथा तिनका तोकिएका शाखा कार्यालयमार्फत सी–आस्बा प्रणाली प्रयोग गरी आवेदन दिन सक्नेछन्।

त्यसैगरी, सिडिएस एण्ड क्लियरिङ लिमिटेडद्वारा सञ्चालनमा ल्याइएको ‘मेरो सेयर’ अनलाइन सफ्टवेयरमार्फत पनि सी–आस्बा प्रणालीबाट आवेदन दिन सकिने व्यवस्था रहेको छ।

सीडीएससीको तथ्यांकअनुसार मंगलबार बेलुकासम्म सूर्यकुण्ड हाइड्रो इलेक्ट्रिकको आईपीओमा २० लाख ४९ हजार २८५ जना आवेदकले आवेदन दिएका छन्। ती आवेदकहरूले जम्मा २ अर्ब ३५ करोड ४३ लाख ७ हजार रुपैयाँ बराबरको २ करोड ३५ लाख ४ हजार ३७० कित्ताका लागि आवेदन दिएका हुन्।

यो संख्या निष्काशन गरिएको सेयर संख्याको तुलनामा ४१.०६ गुणा बढी हो।