अर्थतन्त्रको आकार ६६ खर्ब पुग्ने

सरकारले चालू आर्थिक वर्ष २०८२/८३ मा नेपालको अर्थतन्त्रको आकार ६६ खर्ब रुपैयाँ पुग्ने अनुमान सार्वजनिक गरेको छ। अर्थमन्त्री डा. स्वर्णिम वाग्लेले आर्थिक सर्वेक्षण प्रस्तुत गर्दै प्रतिव्यक्ति कुल राष्ट्रिय आय १ हजार ५ सय ३५ अमेरिकी डलर पुग्ने प्रक्षेपण गरिएको जानकारी दिएका हुन्।

आर्थिक सर्वेक्षणअनुसार कुल ग्राहस्थ उत्पादन (जीडीपी)मा कृषि क्षेत्रको योगदान २४ प्रतिशत र गैरकृषि क्षेत्रको योगदान ७६ प्रतिशत रहने अनुमान गरिएको छ। प्रदेशगत योगदानतर्फ बागमती प्रदेशको हिस्सा सबैभन्दा बढी रहने उल्लेख गरिएको छ।

सरकारले चालू आर्थिक वर्षमा नेपालको आर्थिक वृद्धिदर ३.८५ प्रतिशत रहने प्रक्षेपण गरेको छ।