हिम स्टार उर्जा कम्पनीको आईपीओ सर्वसाधारणले आजदेखि भर्न सक्ने

हिम स्टार उर्जा कम्पनी लिमिटेडले आज (असार २४ गते) देखि सर्वसाधारणका लागि आईपीओ निष्काशन खुला गरेको छ। कम्पनीले कुल ११ लाख १९ हजार कित्ता सेयरमध्ये आयोजना प्रभावित क्षेत्रका बासिन्दा र वैदेशिक रोजगारीमा रहेका नेपालीका लागि निष्काशन गरिसकेपछि अब बाँकी ७ लाख ७३ हजार ९७५ कित्ता सेयर सर्वसाधारणका लागि ल्याएको हो।

साथै, कर्मचारीका लागि १८ हजार ६५० कित्ता र सामूहिक लगानी कोषका लागि ४६ हजार ६२५ कित्ता सेयर सुरक्षित गरिएको छ। आवेदन न्यूनतम १० कित्ता र अधिकतम १० हजार कित्तासम्म दिन सकिनेछ। निष्काशन छिटोमा असार २७ गते र ढिलोमा साउन ६ गतेसम्म खुला रहनेछ। कम्पनीले ५ मेगावाट क्षमताको बुकु कापटी खोला जलविद्युत आयोजना सञ्चालन गरिरहेको छ, जसको लागत करिब १ अर्ब २४ करोड रुपैयाँ रहेको छ।

Ads

Ads

Ads

इक्रा नेपालले कम्पनीलाई ‘डबल बी माइनस’ रेटिङ प्रदान गरेको छ भने आईपीओ बिक्री प्रबन्धक एनआईसी एशिया क्यापिटल लिमिटेड रहेको छ। सर्वसाधारणले सि-आस्बा प्रणालीमार्फत आवेदन दिन सक्नेछन्।