बन्दीपुर केबलकार एण्ड टुरिजम लिमिटेडको आइपीओ भोलि (भदौ २५ गते) बुधबार बाँडफाँड हुने भएको छ। बिक्री प्रबन्धक नेपाल एसबिआई मर्चेन्ट बैंकिङका अनुसार सोमबार प्रि-आलोटमेन्ट भएको छ।
कम्पनीले भदौ ११ देखि १५ गतेसम्म सर्वसाधारणका लागि ४३ लाख ४१ हजार ८० कित्ता सेयर निष्काशन गरेको थियो। सो आईपीओमा २५ लाख १२ हजार १२२ जनाले आवेदन दिएका थिए। यसअनुसार कुल २ अर्ब ९८ करोड ६९ लाख ४४ हजार रुपैयाँ बराबरको २ करोड ९८ लाख ६९ हजार ४४० कित्ता माग परेको छ।
कुल मागभन्दा झण्डै ७ गुणा बढी आवेदन परेकाले करिब २० लाख ७८ हजार १४ जनाको हात रित्तो हुनेछ। भाग्यशाली ४ लाख ३४ हजार १०८ जनाले भने प्रत्येकले १० कित्ताका दरले सेयर प्राप्त गर्नेछन्।
प्रतिकृया