स्वस्तिक लघुवित्तको आईपीओ बाँडफाँड, यसरी हेर्न सकिन्छ नतिजा

स्वस्तिक लघुवित्त वित्तीय संस्था लिमिटेडले साउन ३० गतेदेखि भदौ ३ गतेसम्म बिक्री खुला गरेको आईपीओ आज बाँडफाँड भएको छ।

आईपीओमा १९ हजार ५ सय १४ जनाले १०–१० कित्ता सेयर पाएका छन् भने तीमध्ये ५ जनाले थप १–१ कित्ता सेयर पाएका छन्। कुल २४ लाख १६ हजार ८७४ आवेदकको हात खाली रहेको छ।

कम्पनीले जारी पुँजीको ४० प्रतिशत अनुसार २ करोड ३१ लाख रुपैयाँ बराबरको २ लाख ३१ हजार कित्ता आईपीओ निष्काशन गर्ने अनुमति पाएको थियो। यसमा पहिलो चरणमा १ हजार १५५ कित्ता सेयर कर्मचारीका लागि, ११ हजार ५५० कित्ता सेयर सामूहिक लगानी कोषका लागि र २३ हजार १०० कित्ता सेयर विदेशमा रोजगारी गरिरहेका नेपालीका लागि निष्काशन गरिएको थियो।

दोस्रो चरणमा बाँकी १ लाख ९५ हजार १९५ कित्ता सेयर सर्वसाधारणका लागि निष्काशन गरिएको थियो।