जेजु एयर दुर्घटनाको जिम्मेवारी लिँदै दक्षिण कोरियाका यातायातमन्त्रीले राजीनामा दिने

दक्षिण कोरियाका यातायातमन्त्री पाक साङ वुले १७९ जनाको ज्यान जानेगरी भएको जेजु एयर विमान दुर्घटनाको जिम्मेवारी लिँदै राजीनामा दिने घोषणा गरेका छन्।

डिसेम्बर २९ मा भएको यो दुर्घटनामा विमानमा सवार १८१ मध्ये केवल २ जना मात्र जीवित बचेका थिए। दुर्घटनाको कारण पत्ता लगाउन अनुसन्धान जारी छ।

‘यो प्रलयका लागि म ठूलो जिम्मेवारी महसुस गर्छु,’ मन्त्री पार्कले मंगलबार आयोजित पत्रकार सम्मेलनमा भने। उनले उपयुक्त समयमा राजीनामा गर्ने बताए पनि त्यसअघि निष्पक्ष छानबिन सुनिश्चित गर्ने प्रतिबद्धता व्यक्त गरेका छन्।

यातायात मन्त्रालयले दुर्घटनापछि विमानस्थलको ल्यान्डिङ प्रणाली सुधार गर्ने योजना सार्वजनिक गरेको छ। साथै, मन्त्री पार्कले उड्डयन सुरक्षासम्बन्धी कानुनमा सुधार गर्ने वाचा गरेका छन्।