सोपान फर्मास्युटिकल्स लिमिटेडले वैदेशिक रोजगारीमा रहेका नेपालीका लागि निष्काशन गरेको आईपीओको बाँडफाँड सम्पन्न भएको छ। कम्पनीको सेयर बिक्री प्रबन्धक एनएमबि क्यापिटलले आज बाँडफाँड गरेको हो।
कम्पनीले चैत्र ९ देखि चैत्र १२ गतेसम्म वैदेशिक रोजगारीमा रहेका नेपालीका लागि ४ लाख २९ हजार कित्ता सेयर निष्काशन गरेको थियो। एनएमबि क्यापिटलका अनुसार यस आईपीओमा ८२ हजार ९ सय ७९ जनाको आवेदन परेको थियो, तर ८२ हजार ९ सय ५१ जनाको आवेदन मात्र योग्य रहेको थियो। माग भन्दा बढी आवेदन परेकोले सेयर बाँडफाँड गोलाप्रथाबाट गरिएको छ। यस क्रममा ४२ हजार ९ सय जनाले १० कित्ताको दरले सेयर पाएका छन् भने बाँकी आवेदकको हात खाली भएको छ।
प्रतिकृया