शिवम् सिमेन्ट्स लिमिटेडले गत आर्थिक वर्षको मुनाफाबाट सेयरधनीलाई लाभांश वितरण गर्ने घोषणा गरेको छ।
कम्पनीले हाल कायम चुक्ता पूँजीको २.५ प्रतिशत बोनस सेयर र कर प्रयोजनसहित १० प्रतिशत नगद लाभांश वितरण गर्ने निर्णय गरेको हो। कात्तिक ३० गते बसेको सञ्चालक समितिको बैठकले सो दरमा लाभांश वितरण गर्न स्वीकृति दिएको थियो।
त्यसै बैठकले मंसिर २५ गते बिहान साढे १० बजे साधारण सभा बोलाउने निर्णय पनि गरेको छ। साधारण सभा तथा लाभांश वितरणको प्रयोजनार्थ कम्पनीले मंसिर ११ गते बुक क्लोज गर्ने निर्णय गरेको छ। यसअनुसार, मंसिर १० गतेसम्म नेप्सेमा कारोबारमा रहेका सेयरधनीहरूले साधारण सभामा सहभागिता जनाउन र लाभांश प्राप्त गर्न सक्नेछन्।
प्रतिकृया