रिलायन्स स्पिनिङ मिल्सको सेयर सीडीएससीमा दर्ता, कहिलेबाट कारोबारमा आउने ?
रिलायन्स स्पिनिङ मिल्सले निष्काशन गरेको आईपीओ सीडीएससीमा दर्ता भइसकेको छ। सिडीएससी, रिलायन्स स्पिनिङ मिल्स तथा ग्लोबल आईएमई क्यापिटल(रजिष्ट्रार) बीच धितोपत्र अभौतिकीकरण सम्बन्धी सम्झौतामा हस्ताक्षर भएको हो। कम्पनीले हालै बुक विल्डिङ विधिबाट प्रति कित्ता ८२० रुपैयाँ ८० पैसाको दरले आईपीओ निष्काशन गरेको हो ।
दर्ता प्रक्रिया सम्पन्न भएसँगै अब उक्त आइपीओ लगानीकर्ताका डिम्याट खातामा आउने भएको छ। त्यसपछि, कम्पनीको सेयर नेपाल स्टक एक्सचेन्ज (नेप्से) मा सूचीकृत हुनेछन्। नेप्सेमा सूचीकृत भएको भोलिपल्टदेखि उक्त सेयर दोस्रो बजारमा किनबेच गर्न सकिनेछ।
