रिलायन्स स्पिनिङ मिल्सको आईपीओ आज बाँडफाँड हुँदै, कति बजे ?

रिलायन्स स्पिनिङ मिल्स लिमिटेडको प्रारम्भिक सार्वजनिक निष्काशन (आईपीओ) को बाँडफाँड आज शुक्रबार बिहान ८:३० बजे हुने भएको छ। बिक्री प्रबन्धक ग्लोबल आइएमई क्यापिटल लिमिटेडका अनुसार बाँडफाँडको सम्पूर्ण तयारी पूरा भएको छ।

कम्पनीले सर्वसाधारण लगानीकर्ताका लागि पुस ७ गतेदेखि ११ गतेसम्म आईपीओ निष्काशन गरेको थियो। उक्त आईपीओमा मागभन्दा झण्डै ३३ गुणा बढी आवेदन परेको थियो। कुल ५ लाख ८३ हजार ९७५ जना आवेदकबाट ३ करोड ५ लाख ८ हजार ७५० कित्ताका लागि आवेदन परेको हो ।आईपीओ बाँडफाँड पश्चात कुल १८ हजार ४९५ जना आवेदकले ५०।५० कित्ताका दरले सेयर हात पार्नेछन्। यस्तै, तीमध्ये ३६ जनाले आवेदकले भने  ५१।५१ कित्ता सेयर हात पार्नेछन्।