आज देशभर सार्वजनिक बिदा, ‘नेप्से’ बन्द रहने

आज वैशाख १८ गते देशभर सार्वजनिक बिदा दिइएको छ। शान्तिका अग्रदूतका रूपमा विश्वभर परिचित सिद्धार्थ गौतम को जन्मजयन्ती तथा उभौली पर्वको अवसरमा बिदा दिइएको हो। यस अवसरमा देशका विभिन्न स्थानमा पूजा, आराधना र प्रवचन कार्यक्रम आयोजना गरी बुद्ध जयन्ती मनाइँदैछ भने किराँत समुदायले उभौली पर्वका रूपमा प्रकृतिपूजा र सांस्कृतिक कार्यक्रम गर्दैछन्।

सार्वजनिक बिदाका कारण आज सरकारी कार्यालय, बैंक तथा वित्तीय संस्था, बीमा कम्पनी र नेपाल स्टक एक्सचेन्ज ‘नेप्से’ बन्द रहेका छन्। त्यसैगरी, भोलि शनिबार र पर्सि आइतबार साप्ताहिक बिदा परेकाले यी सबै सेवा अब सोमबार (वैशाख २१) देखि मात्र पुनः सञ्चालनमा आउनेछन्।

Ads

Ads

Ads