सान्भि इनर्जीले इलामस्थित ५.२ मेगावाट क्षमताको जोगमाई क्यासकेड जलविद्युत् आयोजनाबाट पुनः विद्युत् उत्पादन सुरु भएको जनाएको छ।
कम्पनीले नेपाल स्टक एक्सचेञ्ज (नेप्से)लाई दिएको जानकारीअनुसार २०८२ असोज १७ देखि १९ गतेसम्म कोशी प्रदेशमा परेको अविरल वर्षाका कारण आयोजनाका विभिन्न भौतिक संरचनामा क्षति पुगेको थियो। त्यसपछि आयोजनाबाट विद्युत् उत्पादन पूर्णरूपमा बन्द भएको थियो।
कम्पनीका अनुसार क्षतिग्रस्त संरचनाको मर्मत तथा पुनःस्थापना कार्य सम्पन्न भएपछि आयोजना पुनः सञ्चालनमा आएको हो।
प्रतिकृया