ङादी ग्रुप पावरले अवितरित हकप्रद सेयर फागुन २० बाट बिक्री गर्दै

ङादी ग्रुप पावरले फागुन २० गतेबाट पौने ९ लाख कित्ता अवितरित हकप्रद सेयर बिक्री खोल्ने छ। कम्पनीले पुस २३ गतेदेखि माघ २९ गतेसम्म बिक्री गरेको हकप्रद सेयरमा बाँकी रहेको ८ लाख ७३ हजार ६१.२२५ कित्ता सेयर लिलामी प्रक्रियामार्फत सार्वजनिक बिक्रीमा राखिने छ।

इच्छुक व्यक्ति र संस्थाहरूले न्यूनतम १०० कित्ता खरिद गरेर बोलपत्र पेस गर्न सक्ने छन्, जसमा अधिकतम सम्पूर्ण कित्ताका लागि आवेदन दिने विकल्प समेत रहनेछ।

Ads

बिक्रीमा राखिएको सेयरको न्यूनतम मूल्य प्रतिकित्ता १०० रुपैयाँ तोकिएको भएकाले, लगानीकर्ताले सो मूल्य वा सोभन्दा बढी बोलपत्र पेस गर्नुपर्नेछ।

बोलपत्र फागुन २८ गतेसम्म पेस गर्न सकिनेछ, जुन सिद्धार्थ क्यापिटलको काठमाडौं (नक्साल) स्थित कार्यालय तथा सिद्धार्थ बैंकका शाखाहरू—विराटनगर, बिर्तामोड, वीरगन्ज, जनकपुर, हेटौँडा, नारायणगढ, पोखरा, बागलुङ, बुटवल, घोराही, नेपालगन्ज, सुर्खेत, धनगढी र महेन्द्रनगर—मा उपलब्ध रहनेछन्।