माबिलुङ इनर्जी लिमिटेडले छैटौँ वार्षिक साधारण सभा आह्वान गरेको छ। कम्पनीको जेठ २६ गते बसेको सञ्चालक समितिको बैठकले आगामी असार २६ गते सभा आयोजना गर्ने निर्णय गरेको हो।
सभा ललितपुरको कुपण्डोलस्थित कुपण्डोल ब्याङ्क्वेटमा बिहान ११ बजेदेखि सुरु हुनेछ।
सभाले संस्थापक सेयरधनी समूहबाट ३ जना, सर्वसाधारण सेयरधनीको प्रतिनिधित्व गर्ने २ जना तथा एक जना स्वतन्त्र विज्ञ सञ्चालक गरी कुल ६ जना सञ्चालकको निर्वाचन गर्ने विशेष प्रस्ताव पारित गर्नेछ।
त्यसैगरी, सभामा गत आर्थिक वर्षको वार्षिक प्रतिवेदनमाथि छलफल गरी पारित गर्ने तथा लेखापरीक्षकको प्रतिवेदनसहितका वित्तीय विवरण अनुमोदन गर्ने एजेन्डा पनि रहेको छ।
साधारण सभा प्रयोजनका लागि कम्पनीले असार १२ गते एक दिन बुक क्लोज गर्ने निर्णय गरेको छ। त्यसअनुसार असार ११ गतेसम्म कायम रहेका सेयरधनीहरू मात्रै सभामा सहभागी हुन र मतदान गर्न योग्य हुनेछन्।
![अर्थमन्त्री फेरिंदैछन् ? सेयर बजारले के चाहेको छ ? [भिडिओसहित]](https://bajarkochirfar.com/wp-content/uploads/2026/07/o1QyWIoiIVA-maxresdefault-150x150.jpg)
प्रतिकृया