काठमाडौं महानगरपालिकाले शैक्षिक सत्र २०८२/८३ का लागि कक्षा ११ र १२ मा छात्रवृत्तिका लागि सञ्चालन गरेको प्रवेश परीक्षाको नतिजा प्रकाशित गरेको छ। हिजो (शनिबार) ५४ परीक्षा केन्द्रमा परीक्षा भएको थियो जहाँ देशभरका ७७ जिल्लाबाट १७,२९ आवेदनमध्ये १४,१७३ विद्यार्थी सहभागी थिए।
परीक्षा कक्षा १० को पाठ्यक्रममा आधारित थियो र न्यूनतम ४० अंक ल्याउने १०,८६७ विद्यार्थी उत्तीर्ण भएका छन्। उत्तरपुस्तिका ‘अप्टिकल मार्क रिकग्निसन’ प्रणालीबाट जाँच गरिएको हो जसले परिणामको पारदर्शिता सुनिश्चित गरेको छ।
नतिजा महानगरको वेबसाइटमा उपलब्ध छ र विद्यार्थीले आफ्नो सिम्बोल नम्बर, जन्म मिति र पासवर्ड प्रयोग गरी स्कोर कार्ड हेर्न सक्नेछन्। महानगर अन्तर्गत १६० संस्थागत विद्यालयमा करिब ४ हजार छात्रवृत्ति सिट उपलब्ध छन्।
प्रतिकृया