नेपाल सरकार, अर्थ मन्त्रालय अन्तर्गतको नाम सिफारिस समितिले नेपाल बीमा प्राधिकरणको रिक्त अध्यक्ष पदमा नियुक्तिका लागि योग्य व्यक्तिहरूबाट आवेदन आह्वान गरेको छ। इच्छुक उम्मेदवारले सूचना प्रकाशित भएको मिति (२०८३/०२/१३) ले ७ दिनभित्र अर्थात् २०८३/०२/१९ गतेसम्म अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबारमा आफ्नो व्यक्तिगत विवरण (Bio-Data) र आवश्यक कागजातहरू पेश गर्नुपर्नेछ। योग्यताका लागि बीमा ऐन, २०७९ बमोजिम बीमा, मौद्रिक, बैंकिङ्ग, वाणिज्यशास्त्र, इन्जिनियरिङ्ग, व्यवस्थापन, जनप्रशासन, तथ्याङ्कशास्त्र, गणित, अर्थशास्त्र वा कानून विषयमा कम्तिमा स्नातकोत्तर वा सो सरहको उपाधि हासिल गरी सम्बन्धित क्षेत्रमा कम्तिमा पाँच वर्षको उच्च व्यवस्थापकीय कार्य अनुभव हुनुपर्नेछ। उम्मेदवारको उमेर ३५ वर्ष पूरा भई ६५ वर्ष ननाघेको हुनुपर्नेछ। आवेदनका साथमा व्यक्तिगत विवरण, नेपाली नागरिकताको प्रतिलिपि, शैक्षिक योग्यता र अनुभवका प्रमाणित कागजातहरू तथा मन्त्रालयको वेबसाइटमा उपलब्ध ढाँचाको स्वघोषणा पेश गर्नुपर्नेछ।
थप सुचनामा:
