नेपाल सरकार, अर्थ मन्त्रालयले कर्मचारी सञ्चय कोषको रिक्त प्रशासक पदमा खुला प्रतिस्पर्धात्मक प्रतियोगिताद्वारा पदपूर्ति गर्न योग्य नेपाली नागरिकहरूबाट आवेदन माग गरेको छ। इच्छुक उम्मेदवारहरूले सूचना प्रकाशित भएको मितिले १५ दिनभित्र (२०८३/०३/२२ सम्म) अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबारमा गोप्य सिलबन्दी आवेदन पेश गर्नुपर्नेछ। योग्यताका लागि कर्मचारी सञ्चय कोष ऐन २०१९ को दफा ६क बमोजिम हुनुपर्ने र अर्थ मन्त्रालय सम्बद्ध सार्वजनिक निकायका पदाधिकारी नियुक्ति सम्बन्धी मापदण्ड २०७३ को दफा ४ बमोजिम अयोग्य नभएको हुनुपर्नेछ। दरखास्तका साथ शैक्षिक योग्यता, अनुभव, नेपाली नागरिकताको प्रतिलिपि, वैयक्तिक विवरण, पासपोर्ट साइजको फोटो र ५००० शब्दमा नबढ्ने गरी व्यवसायिक कार्ययोजना पेश गर्नुपर्नेछ। दरखास्त दस्तुर ५,००० रुपैयाँ तोकिएको छ।
थप सुचनामा:
