नेपाल सरकार, अर्थ मन्त्रालयको नागरिक लगानी कोषको कार्यकारी निर्देशकको छनोट तथा सिफारिस समितिले रिक्त कार्यकारी निर्देशक पदमा खुला प्रतिस्पर्धात्मक प्रतियोगिताद्वारा पदपूर्ति गर्न सूचना प्रकाशित गरेको छ। इच्छुक र योग्यता पुगेका नेपाली नागरिकहरूले यो सूचना प्रथम पटक प्रकाशित भएको मिति (२०८३/०३/११) ले २१ दिनभित्र अर्थात् २०८३/०३/३१ गतेसम्म कार्यालय समयमा अर्थ मन्त्रालय, सिंहदरबारको वित्तीय क्षेत्र व्यवस्थापन तथा संस्थान समन्वय महाशाखामा आवेदन दिन सक्नेछन्। उम्मेदवारको योग्यता नागरिक लगानी कोष ऐन, २०४७ बमोजिम हुनुपर्नेछ। आवेदनका साथ शैक्षिक योग्यता, अनुभव, नेपाली नागरिकताको प्रमाणपत्रको प्रतिलिपि, वैयक्तिक विवरण र दुई प्रति पासपोर्ट साइजको फोटोका साथै व्यावसायिक कार्ययोजना (५००० शब्दमा नबढ्ने गरी) खामबन्दी गरी पेश गर्नुपर्नेछ। दरखास्त दस्तुर रु. ५,००० निर्धारण गरिएको छ। छनोट सूचीमा परेका उम्मेदवारले आफ्नो व्यावसायिक कार्ययोजनाको प्रस्तुतीकरण समेत गर्नुपर्नेछ। थप जानकारीका लागि अर्थ मन्त्रालयको वेबसाइट www.mof.gov.np हेर्न वा ०१-४२११३६५ मा सम्पर्क गर्न सकिनेछ।
थप सुचनामा:
