नगर विकास कोषद्वारा कार्यकारी निर्देशक पदका लागि दरखास्त आह्वान

नगर विकास कोषले रिक्त रहेको कार्यकारी निर्देशक पदमा खुला प्रतिस्पर्धाद्वारा पदपूर्तिका लागि योग्य नेपाली नागरिकहरूबाट दरखास्त आह्वान गरेको छ। कोषको ऐन २०५३, नियमावली २०५४ तथा कर्मचारी सेवा शर्त (संशोधित) विनियमावली २०६८ बमोजिम पदपूर्ति गर्न लागिएको हो। इच्छुक उम्मेदवारले सूचना प्रथम पटक प्रकाशित भएको मिति २०८३ असोज १२ गतेबाट २१ दिनभित्र नगर विकास कोष, फुलचोकी माई मार्ग, नयाँ बानेश्वर, काठमाडौँमा आवेदन पेश गर्नुपर्नेछ। अन्तिम दिन सार्वजनिक बिदा परेमा लगत्तै कार्यालय खुलेको दिन दरखास्त दिन सकिने व्यवस्था छ।

शैक्षिक योग्यता र अनुभवतर्फ, मान्यता प्राप्त विश्वविद्यालयबाट अर्थशास्त्र, व्यवस्थापन, चार्टर्ड एकाउन्टेन्सी वा इन्जिनियरिङ विषयहरूमध्ये कुनै एक विषयमा स्नातकोत्तर उपाधि हासिल गरी सम्बन्धित क्षेत्रमा कम्तीमा ५ वर्षको अनुभव प्राप्त भएको हुनुपर्नेछ। अथवा उल्लिखित कुनै एक विषयमा स्नातक उपाधि हासिल गरी सम्बन्धित क्षेत्रमा कम्तीमा ७ वर्षको अनुभव प्राप्त गरेको हुनुपर्नेछ। चार्टर्ड एकाउन्टेन्सी मात्र शैक्षिक योग्यता भएका उम्मेदवारको हकमा प्रचलित कानुनबमोजिम समकक्षताको प्रमाणपत्र अनिवार्य गरिएको छ। दरखास्त दिने अन्तिम मितिसम्म उम्मेदवारको उमेर ३५ वर्ष पूरा भई ५४ वर्ष ननाघेको हुनुपर्नेछ।

आवेदनका साथ कोषको कर्मचारी सेवा शर्त विनियमावली २०६८ को अनुसूची-१० बमोजिमको फाराम, नेपाली नागरिकता, शैक्षिक योग्यता, तालिम तथा अनुभवका प्रमाणित प्रतिलिपिहरू र अयोग्य नरहेको स्वघोषणा पेश गर्नुपर्नेछ। साथै कार्यकारी निर्देशक सिफारिस समितिले उपलब्ध गराएको ढाँचामा ५,००० शब्दमा नबढ्ने गरी दुई प्रति व्यावसायिक योजनासहितको कार्यपत्र छुट्टै खाममा सिलछाप गरी खामबाहिर नाम, थर र ठेगाना प्रष्ट उल्लेख गरी बुझाउनुपर्नेछ। दरखास्त दस्तुरबापत रु. ३,००० ग्लोबल आइ.एम.ई. बैंकको नयाँ बानेश्वर शाखामा रहेको नगर विकास कोषको खाता नं. ०२९०१०१०००००६२ मा जम्मा गरेको भौचर समावेश गर्नुपर्नेछ। पारिश्रमिक तथा सुविधाहरू कोषको नियमावलीबमोजिम हुने र विस्तृत ढाँचाहरू कोषको वेबसाइट www.tdf.org.np बाट प्राप्त गर्न सकिने जनाइएको छ।

थप सुचनामा: