नेपाली बजारमा आइतबार सुनचाँदीको मूल्यमा वृद्धि देखिएको छ। शुक्रबार स्थिर रहेको सुनको भाउ एकैदिन प्रतितोला ५ हजार ६ सय रुपैयाँले बढेको हो।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख १० हजार ३ सय रुपैयाँ कायम भएको छ। शुक्रबार भने यही सुन ३ लाख ४ हजार ७ सय रुपैयाँमा कारोबार भएको थियो।
चाँदीको मूल्य पनि बढेको छ। शुक्रबार प्रतितोला ५ हजार ५० रुपैयाँमा कारोबार भएको चाँदी आइतबार ५ हजार ४ सय २५ रुपैयाँमा पुगेको छ। यसअनुसार चाँदी प्रतितोला ३ सय ७५ रुपैयाँले बढेको हो।
अन्तर्राष्ट्रिय बजारमा समेत सुनको मूल्य उकालो लागेको छ। आज सुन प्रतिऔंस ५ हजार १ सय ७ अमेरिकी डलरमा कारोबार भइरहेको छ।
प्रतिकृया