कुमारी बैंक लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, बैंकको खुद नाफा ४५ हजार ८३१ प्रतिशतले बढेर २ अर्ब ११ करोड रुपैयाँमा पुगेको छ। अघिल्लो वर्षको सोही अवधिमा बैंकले ४६ लाख रुपैयाँ खुद नाफा कमाएको थियो।
समीक्षा अवधिमा बैंकको इम्पेयरमेन्ट चार्ज ६ अर्ब ८४ करोड रुपैयाँ बाट घटेर २ अर्ब ८० करोड रुपैयाँमा सिमित भएको छ देखिएको छ। इम्पेयरमेन्ट चार्ज उल्लेख्य रुपमा घटेको कारण नाफामा उल्लेख्य वृद्धि देखिएको हो।
चौथो त्रैमाससम्ममा कुमारी बैंकको खुद ब्याज आम्दानी ६.९५ प्रतिशतले बढेर ११ अर्ब ५५ करोड रुपैयाँमा पुगेको छ भने सञ्चालन आम्दानी १०.९८ प्रतिशतले बढेर १५ अर्ब १३ करोड रुपैयाँमा सीमित भएको छ। यता, इम्पेयरमेन्ट चार्ज ६ अर्ब ८४ करोड रुपैयाँबाट घटेर २ अर्ब ८० करोड रुपैयाँमा आएको छ।
बैंकको खराब कर्जा अनुपात ०.४६ प्रतिशतबिन्दुले बढेर ६.४२ प्रतिशतमा पुगेको छ।
समीक्षा अवधिमा बैंकले ३ खर्ब ६४ अर्ब ६४ करोड रुपैयाँ निक्षेप संकलन गरी २ खर्ब ६० अर्ब ९५ करोड रुपैयाँ कर्जा प्रवाह गरेको छ।
बैंकको चुक्ता पूँजी २६ अर्ब २३ करोड रुपैयाँ रहेको छ भने वितरणयोग्य नाफा २ अर्ब ७९ करोड रुपैयाँ ऋणात्मक र जगेडा कोषमा १३ अर्ब ८६ करोड रुपैयाँ सञ्चित रहेको छ। बैंकको प्रतिसेयर आम्दानी ८ रुपैयाँ ५ पैसा बढेर ८ रुपैयाँ ७ पैसा पुगेको छ। यस्तै, प्रतिसेयर नेटवर्थ १४२ रुपैयाँ १९ पैसा रहेको छ।
अन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।
प्रतिकृया