अर्थ सहित पाँचवटा संसदीय समितिको बैठक आज बस्दै, कुन समितिको कार्यसूची के छ ?

संघीय संसद् अन्तर्गत आज पाँचवटा संसदीय समितिको बैठक बस्नेछन्।

अर्थ समितिको बैठक दिउँसो १ बजे बस्नेछ, जहाँ भन्सार सम्बन्धी कानुनलाई संशोधन र एकीकरण गर्न बनेको विधेयकमा दफावार छलफल हुनेछ।

Ads

Ads

Ads

अन्तर्राष्ट्रिय सम्बन्ध तथा पर्यटन समितिको बैठक बिहान ११ बजे बस्नेछ, जसमा संस्कृति, पर्यटन तथा नागरिक उड्डयन मन्त्रालयको कार्यप्रगति तथा आगामी आर्थिक वर्षका कार्यक्रम, योजना र रणनीतिबारे छलफल हुनेछ।

त्यस्तै, कृषि, सहकारी तथा प्राकृतिक स्रोत समितिको बैठक बिहान ८ बजेका लागि तय गरिएको छ। बैठकमा कृषि तथा पशुपन्छी विकास मन्त्रालयमा तर्जुमाको चरणमा रहेको कृषि नीतिका विषयमा सम्बन्धित विज्ञ, सरोकारवाला तथा अन्य पक्षहरूसँग अन्तरक्रिया गरिनेछ।

शिक्षा, स्वास्थ्य तथा सूचना प्रविधि समितिको बैठक बिहान १०:३० बजे बस्नेछ, जहाँ सहिद दशरथ चन्द स्वास्थ्य विज्ञान विश्वविद्यालय विधेयक, २०८० माथि दफावार छलफल हुनेछ।

अन्तिम रूपमा, विधायन व्यवस्थापन समितिको बैठक दिउँसो १ बजे बस्नेछ, जसमा पानीजहाज (सञ्चालन तथा व्यवस्थापन) विधेयक, २०८१ माथि दफावार छलफल गरिनेछ।