कांग्रेस इतर समूहको राष्ट्रिय भेला आजदेखि, देउवाले उद्घाटन गर्ने

Ads

नेपाली कांग्रेसको संस्थापन इतर समूहको राष्ट्रिय भेला आजदेखि काठमाडौंमा सुरु हुँदैछ। सुकेधारास्थित मिराकल पार्टी प्यालेसमा आयोजना हुने भेला तीन दिनसम्म चल्नेछ।

भेलाको उद्घाटन बिहान साढे ११ बजे कांग्रेसका पूर्वसभापति शेरबहादुर देउवाले गर्ने कार्यक्रम छ। हङकङबाट फर्किएका देउवाले नै उद्घाटन समारोहलाई सम्बोधन गर्नेछन्।

Ads

पूर्वमहामन्त्री डा. शशांक कोइरालाको संयोजकत्वमा आयोजना भइरहेको भेलाको पहिलो दिन उद्घाटन समारोह हुनेछ भने दोस्रो र तेस्रो दिन बन्दसत्र सञ्चालन गरिनेछ। भेलामा ५ हजारभन्दा बढीको सहभागिता रहने अपेक्षा गरिएको छ।

भेलामा राजनीतिक प्रतिवेदनसमेत प्रस्तुत गरिनेछ। संस्थापन इतर समूहले देउवालाई चुनदेवीमा पार्टी सभापतिकै हैसियतमा कार्यकक्ष बनाएर राखेको छ।

यसैबीच, सर्वोच्च अदालतले कांग्रेसको नेतृत्व र आधिकारिकतासम्बन्धी विवादमा पुनरवलोकन गर्न अनुमति दिएपछि इतर समूह थप उत्साहित बनेको छ।