नेपाली बजारमा सोमबार पनि सुनचाँदीको मूल्य बढेको छ। आइतबार सुन प्रतितोला पाँच हजार ६ सय रूपैयाँले बढेपछि, सोमबार थप तीन हजार दुई सय रूपैयाँ वृद्धि भई दुई दिनमा सुनको भाउ प्रतितोला कुल आठ हजार आठ सय रूपैयाँले बढेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३,१३,५०० रुपैयाँ पुगेको छ। आइतबार यो मूल्य ३,१०,३०० रुपैयाँ थियो।
साथै, सोमबार चाँदीको मूल्य पनि बढेको छ। आइतबार तोलामा ५,४२५ रुपैयाँ रहेको चाँदी सोमबार ५,५९५ रुपैयाँमा कारोबार भइरहेको छ, जसमा प्रतितोला १७० रुपैयाँको वृद्धी भएको हो।
अन्तर्राष्ट्रिय बजारमा आज सुन प्रतिऔंस ५,१६१ अमेरिकी डलरमा कारोबार भइरहेको छ।
प्रतिकृया