कांग्रेस उपसभापति गुरुङ भन्छन्, “भ्रष्टाचार रोक्न ५ सय र १ हजारका नोट तत्काल बन्द गर्नुपर्छ”

नेपाली कांग्रेसका उपसभापति धनराज गुरुङले घुसखोरी र कमिसनखोरीलाई न्यूनीकरण गर्न ५ सय र १ हजारका नोट तत्काल बन्द गर्नुपर्ने बताएका छन्।

उनले आइतबार महोत्तरी क्षेत्र नं. ३ को कांग्रेस क्षेत्रीय सम्मेलनलाई जलेश्वरमा सम्बोधन गर्दै भने, “देशको आर्थिक अवस्था जर्जर भइ लोकतन्त्रलाई खतरा आएको छ। सुशासन कायम हुन नसक्ने र देशको समृद्धि नहुनुको कारणले दोस्रो पाइलाको रूपमा देशमा चलनचल्तीमा रहेका ठूला नोट तुरुन्त बन्द गरिनुपर्छ।”

Ads

Ads

Ads

पूर्वमन्त्रीसमेत रहेका गुरुङले सुशासनका लागि सबै नेता र कर्मचारीको सम्पत्ति छानबिन र शुद्धिकरण गर्नुपर्नेमा जोड दिए। उनले देशमा घूसखोरी, कमिसन र भ्रष्टाचार बढेर आर्थिक अवस्था खुकुलो भएको उल्लेख गर्दै, अहिलेको अवस्थामा विकासको परिकल्पना गर्न असम्भव भएको र अर्थतन्त्र बलियो नभए लोकतन्त्र पनि बलियो नहुने चेतावनी दिएका छन् ।