प्रधानमन्त्री ओलीलाई वर्षमानको प्रश्न, “कम्बोडिया, स्वीस बैंक र गिरिबन्धुमा ममाथि छानबिन होस् भन्न सक्नुहुन्छ ?

माओवादी केन्द्रका उपमहासचिव वर्षमान पुन अनन्तले काँग्रेस, एमाले र माओवादी केन्द्रका नेताहरू मुछिएका अनियमितता प्रकरणहरूको छानबिनका लागि संसदीय वा उच्चस्तरीय छानबिन समिति गठन गर्न सरकारसँग माग गरेका छन्। उनले पाल्पाको रिप्टिकोट गाउँ समितिको तेस्रो अधिवेशनमा बुधवार आफ्नो भनाइ राख्दै, हालका विवादास्पद प्रकरणहरूको छानबिन गर्न समितिको गठनको आवश्यकता औंल्याए।

पुनले भने कि प्रधानमन्त्री केपी ओलीले शेरा दरबारको प्रसङ्गलाई विवादमा पार्न सकिन्छ भन्ने नियतका साथ चर्चामा ल्याएका हुन्। यसै मुद्दालाई लिएर माओवादी अध्यक्ष पुष्पकमल दाहालले संसदमा छानबिनको माग राख्ने बताएका छन्।

Ads

पुनले ओलीलाई चुनौती दिँदै भने, “कम्बोडियामा लगानी, स्वीस बैंकमा पैसा, र गिरिबन्धु टी स्टेटमा नाम मुछिएका छन्। के भन्न सक्नुहुन्छ ममाथि संसदीय छानबिन होस् भन्न सक्नुहुन्छ ?

यसका साथै, उनले प्रधानमन्त्री ओली र सत्तारुढ दलको छानबिनप्रति पक्षपाती व्यवहार गरेको आरोप पनि लगाए। उनले माओवादी नेतृत्वको सरकारको विरोधमा उठेका मुद्दाहरूको कडा आलोचना गर्दै, राज्यका निकायहरूको दुरुपयोग र प्रतिशोधको प्रवृत्ति खतरनाक भएको बताए।

पुनले सरकारको गिरावट र राज्यको दुरुपयोगको विरोध गर्दै, माओवादी नेतृत्वको सुशासन अभियान निरन्तरता दिने संकल्प पनि व्यक्त गरे।