नेप्सेमा तीन कम्पनीको ९४ लाख ४४ हजार सेयर थपियो, कुनको कति ?

बिहीवार नेपाल स्टक एक्सचेन्ज नेप्सेमा तीन कम्पनीको कुल ९४ लाख ४४ हजार ३१.४३३ कित्ता बोनस सेयर सूचीकृत भएको छ । तीन कम्पनी: कृषि विकास बैंक, शिवम सिमेन्ट, र फर्स्ट माइक्रोफाइनान्सको बोनस सेयर सूचीकृत भएको हो ।

कृषि विकास बैंकको ४० लाख ३५ हजार ५०२.२२३४ कित्ता बोनस सेयर सूचीकृत भएको छ । कृषि विकास बैंकले पुस २९ गते सम्पन्न वार्षिक साधारण सभाबाट पारित ३ प्रतिशत बोनस सेयर सूचीकृत गराएको हो । सो सभाले कर सहित ७ दशमलव ५३ प्रतिशत नगद लाभांश पारित गरेको थियो । उक्त सेयर सेयरधनीहरुको हितग्राही खातामा आएपछि कारोबार गर्न सक्नेछन् ।

शिवम सिमेन्टको ४२ लाख ९८ हजार ८५ कित्ता बोनस सेयर सूचीकृत भएको छ । शिवम् सिमेन्टले पुस २९ गते सम्पन्न वार्षिक साधारण सभाबाट पारित ८.५५ प्रतिशत बोनस सेयर सूचीकृत गराएको हो । सो सभाले कर प्रयोजनको लागि ०.४५ प्रतिशत नगद लाभांश वितरण गर्ने प्रस्ताव पारित गरेको थियो । उक्त सेयर सेयरधनीहरुको हितग्राही खातामा आएपछि कारोबार गर्न सक्नेछन् ।

फर्स्ट माइक्रोफाइनान्सको ११ लाख १० हजार ४४४ दशमलव २१ कित्ता बोनस सेयर सूचीकृत भएको छ । फर्स्ट माइक्रोफाइनान्सले पुस ११ गते सम्पन्न वार्षिक साधारण सभाबाट पारित ९ प्रतिशत बोनस सेयर सूचीकृत गराएको हो । सो सभाले ०.४७ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गरेको थियो । उक्त सेयर सेयरधनीहरुको हितग्राही खातामा आएपछि कारोबार गर्न सक्नेछन् ।