राष्ट्रियसभामा नवनिर्वाचित १७ सदस्यले लिए शपथ

सङ्घीय संसद्को माथिल्लो सदन राष्ट्रियसभामा नवनिर्वाचित सदस्यहरूले शपथ लिएका छन्। माघ ११ गते भएको राष्ट्रियसभा सदस्य निर्वाचनबाट निर्वाचित १८ मध्ये १७ जना सदस्यलाई आज आयोजित कार्यक्रममा राष्ट्रियसभाका अध्यक्ष नारायणप्रसाद दाहालले शपथ गराएका हुन्।

राष्ट्रियसभामा कुल ५९ सदस्य रहेका छन् र प्रत्येक सदस्यको पदावधि छ वर्षको हुन्छ। संवैधानिक व्यवस्था अनुसार, एक तिहाइ सदस्यको पदावधि प्रत्येक दुई वर्षमा समाप्त हुने गर्दछ।

Ads

Ads

Ads

कार्यक्रममा सभा नवनिर्वाचित सदस्यहरु खम्मबहादुर खाती, गीता देवकोटा, चन्द्रबहादुर केसी, जगत तिमल्सिना, धर्मेन्द्र पासवान, प्रेमप्रसाद दङ्गाल, महन्थ ठाकुर, रञ्जित कर्ण, रामकुमारी झाँक्री, रेखाकुमारी झा, रोश्नी मेचे, ललितजङ्ग शाही, लिलाकुमारी भण्डारी, वासुदेव घिमिरे, सम्झना देवकोटा, सुनिलबहादुर थापा र सोमनाथ पोर्तेलले शपथ लिएका छन्। कार्यक्रममा सदस्य मीनासिंह रखाल अनुपस्थित रहेका थिए।