मनसुनी वायुको प्रभावले देशभर आंशिकदेखि साधारणतया बदली रहेको छ। गण्डकी र बागमती प्रदेशका एक/दुई स्थानमा बिहानैदेखि हल्का वर्षा भइरहेको छ।
जल तथा मौसम विज्ञान विभागका अनुसार दिउँसो पनि देशभर आंशिकदेखि साधारण बदली रहनेछ, जसमा केही स्थानमा चट्याङसहित हल्कादेखि मध्यम वर्षा हुन सक्ने सम्भावना छ। कोशी, गण्डकी, लुम्बिनी, र कर्णाली प्रदेशका केही स्थानमा भारी वर्षा पनि हुनसक्ने विभागले जनाएको छ।
रातिको मौसम पूर्वानुमानअनुसार देशका पहाडी भू-भागमा आंशिकदेखि साधारण बदली रहनेछ भने बाँकी क्षेत्रमा आंशिक बदलीदेखि मुख्यतया सफा रहनेछ। कोशी, बागमती, गण्डकी, कर्णाली, र सुदूरपश्चिम प्रदेशका केही स्थानमा, तथा अन्य प्रदेशका एक/दुई स्थानमा चट्याङसहित हल्कादेखि मध्यम वर्षा हुने सम्भावना रहेको छ।
प्रतिकृया