नेपाली सेनाको पेट्रोल पम्पमा पनि सकियो इन्धन

नेपाली सेनाद्वारा संचालित काठमाडौंको भद्रकालीमा रहेको रिपुमर्दिनी पेट्रोल पम्पमा पनि पेट्रोल र डिजेलको अभाव देखिएको छ । भद्रकाली पम्पले पेट्रोल/डिजेल छैन लेखिएको बोर्ड झुण्ड्याइएको छ । सेनाको पम्प समेत बन्द हुँदा इन्धन भर्ने प्रतिक्षामा लामो समयदेखि लाइनमा बसिरहेकाहरु  सर्वसाधारण मर्कामा परेका छन् ।

नेपाल आयल निगमका अनुसार शनिबारदेखि नै ट्यांकर चालकले विभिन्न माग राखेर आन्दोलन गरिरहेका छन् । यसै कारण पेट्रोलियम पदार्थ अभाव देखिएको हो । चालकले पेट्रोलियम पदार्थ बोक्ने ट्यांकर नचलाएका कारण पेट्रोलियम पदार्थ पम्पसम्म पुग्न सकेको छैन ।

Ads

Ads

Ads

अधिकांश निजी पेट्रोल पम्पहरुले बिक्री वितरण बन्द गर्दा नेपाली सेना र नक्शालस्थित नेपाल प्रहरीको पेट्रोल पम्पबाट भने बिक्री भइरहेको थियो । सिमित पेट्रोल पम्पहरु खुल्दा भद्रकालीस्थित नेपाली सेनाको पेट्रोल पम्प अगाडी  दुई पांग्रे र चार पांग्रे सवारी साधनहरुको लामो लाइन लागेको थियो।

#bajarkochirfar #bajarkochirfar