निर्वाचन आयोगले आगामी मंसिर १६ गतेका लागि तय गरिएको स्थानीय तहको उपनिर्वाचनको तयारीमा ३२ जना जिल्ला न्यायाधीशलाई मुख्य निर्वाचन अधिकृत र ६ जना राजपत्राङ्कित कर्मचारीलाई निर्वाचन अधिकृत नियुक्त गरेको छ।
स्थानीय तह निर्वाचन ऐन, २०७३ को दफा ७ बमोजिम सोमबारदेखि लागू हुने गरी यी नियुक्ति गरिएका छन्। आयोगका सहसचिव र प्रवक्ता नारायणप्रसाद सापकोटाका अनुसार, नियुक्त अधिकृतहरूले कात्तिक ३० गतेसम्म निर्वाचन केन्द्र र वडा कार्यालयहरू स्थापना गरी चुनाव व्यवस्थापन कार्य शुरु गर्नेछन्।
प्रतिकृया