धितोपत्र बोर्डको अध्यक्षको अन्तरवार्ताका लागि आएनन् तीन उम्मेदवार, सिफारिस समितिले प्रक्रियानै रद्व गर्ने तयारी

नेपाल धितोपत्र बोर्डको अध्यक्षका लागि हालको नियुत्ती प्रक्रिया रद्व गर्ने तयारी भएको छ । बुधवार विहान दोस्रो पटक बोलाइएको अन्तरवार्तामा कुनै पनि उम्मेदवार सहभागी नभएपछि सिफारिस समितिले प्रक्रियानै रद्व गर्ने तयारी गरेको हो ।

बोर्ड अध्यक्षका लागि सन्तोष श्रेष्ठ र मुत्तिनाथ श्रेष्ठ, डा. नवराज अधिकारी, कृष्ण बहादुर कार्की र चिरञ्जिवी चापागाई अन्तिम पाँच जनाको सर्टलिष्टमा परेका थिए । असार २ गते सर्टलिष्टमा परेका पाँच जना उम्मेदवारलाई अन्तरवार्ताका लागि बोलाएको थियो तर अन्तरवार्तामा दुई जना सन्तोष श्रेष्ठ र मुक्तिनाथ श्रेष्ठ मात्र सहभागी भएका थिए ।

Ads

हालको कानुनी व्यवस्था अनुसार दुई जनालाई मात्र बोर्ड अध्यक्ष नियुत्तीका लागि सिफारिस गर्न नमिल्ने कम्तीमा तीन जनाको नाम सिफारिस गर्नुपर्ने भएकाले बाँकी उम्मेदवारका लागि बुधवार अन्तवार्ताको मिति तय भएको थियो । दोस्रो पटक बोलाइएको अन्तरवार्तामा पनि कुनै उम्मेदवार सहभागी नभए पश्चात हालको नियुत्ती प्रक्रिया रद्व गर्ने तयारी गरेको हो ।

#BajarkoChirfar #bazarochirfar