ट्रम्पको जितसँगै बिटकोइनको मूल्यमा ठूलो उछाल, ९० हजार डलरभन्दा माथिसम्म पुग्ने अनुमान

बिटकोइनले आइतबार ऐतिहासिक उचाइमा नयाँ रेकर्ड बनाउँदै पहिलो पटक ८० हजार डलरको मूल्य नाघेको छ। बुधबार ७५ हजार डलर पुगेर यसले मार्चमा राखेको ७३,७९७.९८ डलरको अघिल्लो रेकर्ड तोड्यो। रिपब्लिकन उम्मेदवार डोनाल्ड ट्रम्पले अमेरिकी राष्ट्रपति चुनाव जितेपछि बिटकोइनको मूल्य निरन्तर बढिरहेको छ।

अन्तर्राष्ट्रिय सञ्चारमाध्यमका अनुसार, बिटकोइनको मूल्य बढ्दै जाँदा लगानीकर्ता क्रिप्टो बजारमा थप उछालको अपेक्षामा छन्। डेरिबिट डेरिभेटिभ्स एक्सचेन्जले बिटकोइन ९० हजार डलरभन्दा माथि पुग्नसक्ने अनुमान गरेको छ। के ३३ का अनुसन्धानकर्ता भेटल लुन्डेले यो वृद्धिलाई बुलिश फ्लोको संकेतका रूपमा व्याख्या गरेका छन्।

Ads

Ads

Ads

राष्ट्रपति पदमा निर्वाचित ट्रम्पले अमेरिकालाई क्रिप्टो राजधानी बनाउने वाचा गरेका थिए। उनका योजनामा, १६ बिलियन डलरभन्दा बढीको बिटकोइन भण्डारण गर्ने राष्ट्रिय क्रिप्टो भण्डार सुरु गर्ने र ब्याजदर घटाउने वाचा पनि समावेश थियो।

अमेरिकी फेडरल रिजर्भले ब्याज दर घटाएको पृष्ठभूमिमा क्रिप्टो बजारमा व्यापक उछाल आएको छ। इथरले बिटकोइनको वृद्धिलाई पार गर्दै सात दिनमा ३० प्रतिशतले बढेको छ भने सोलानाको मार्केट क्याप आइतबार १०० बिलियन डलर माथि पुगेको छ।

यसैबीच, बिटकोइनको मार्केट क्याप ८० बिलियन डलर नाघेको छ, र पछिल्लो तीन दिनमा स्पट फन्डले २.३ बिलियन डलर थपेका छन्। ट्रम्पले एसईसी अध्यक्ष ग्यारी गेन्सलरलाई हटाउने वाचा गरेका छन्, जसले नियामकीय समस्यामा रहेका कोइनबेसजस्ता कम्पनीहरूको लागि सकारात्मक संकेत दिनेछ।