आँखुखोला जलविद्युतको अवितरित हकप्रद सेयर लिलामी खुला, आवेदन असोज २० सम्म

Ads

आँखुखोला जलविद्युत कम्पनीले आज, असोज ११ गतेदेखि अवितरित हकप्रद सेयर बिक्रीमा ल्याएको छ। कम्पनीले १७ लाख ५० हजार २४८ कित्ता अवितरित हकप्रद सेयर लिलामीमार्फत बिक्री गर्ने भएको हो।

यसअघि, कम्पनीले साउन २७ देखि भदौ १६ सम्म १ सेयर बराबर १.५ सेयरको अनुपातमा १ अर्ब २० करोड रुपैयाँ बराबरका १ करोड २० लाख कित्ता सेयर बिक्री गरेको थियो। जसमध्ये, १७ लाख ५० हजार २४८ कित्ता सेयर बिक्री नभएकाले लिलामीमा आएको हो।

Ads

लिलामीमा जो कोही व्यक्ति, कम्पनी, वा संघसंस्थाले न्यूनतम १०० कित्तादेखि अधिकतम सम्पूर्ण कित्ताका लागि आवेदन दिन सक्नेछन्। सेयरको आधार मूल्य प्रतिकित्ता १०० रुपैयाँ तोकिएको छ, र लगानीकर्ताले यो वा सोभन्दा बढी मूल्यमा बोलकबोल गर्नुपर्नेछ।

इच्छुक लगानीकर्ताले असोज २० गतेभित्र नबिल इन्भेष्टमेन्ट बैंकिङमा आवेदन दिन सक्नेछन्।