विश्वव्यापी प्रविधि कम्पनी शाओमीले नेपाली बजारमा आफ्नो नयाँ स्मार्टफोन लाइनअप रेड्मी नोट १५ सिरिज सार्वजनिक गरेको छ। यस सिरिजमा चार मोडेलहरू—रेड्मी नोट १५ प्रो+ ५जी, रेड्मी नोट १५ प्रो ५जी, रेड्मी नोट १५ ५जी र रेड्मी नोट १५ ४जी—समावेश छन्, जसले फरक–फरक आवश्यकता र बजेटका प्रयोगकर्तालाई लक्षित गर्छ।
सिरिजको सबैभन्दा उन्नत मोडेल रेड्मी नोट १५ प्रो+ ५जी मा ६,५०० एमएएच क्षमताको सिलिकन–कार्बन (SiC) ब्याट्री, १०० वाट हाइपरचार्ज र २२.५ वाट रिभर्स चार्जिङ सुविधा उपलब्ध छ। यसमा २०० मेगापिक्सेल HPE इमेज सेन्सर, ६.८३ इन्चको १.५के एमोलेड डिस्प्ले, स्न्यापड्रागन ७एस जेन ४ प्रोसेसर, IP66/IP68/IP69/IP69K प्रमाणीकरण र २.५ मिटर ड्रप–रेसिस्टेन्स क्षमता छ।
रेड्मी नोट १५ प्रो ५जी मा पनि २०० मेगापिक्सेल क्यामेरा, समान स्तरको डिस्प्ले र मिडियाटेक डाइमेन्सिटी ७४०० अल्ट्रा प्रोसेसर प्रयोग गरिएको छ। ६,५८० एमएएच ब्याट्री, ४५ वाट चार्जिङ र एआई क्रिएटिभिटी टुलहरू यसका प्रमुख फिचर हुन्।
त्यसैगरी, रेड्मी नोट १५ ५जी मा ५,५२० एमएएच ब्याट्री, १०८ मेगापिक्सेल क्यामेरा, स्न्यापड्रागन ६ जेन ३ चिपसेट र ६.७७ इन्च एमोलेड डिस्प्ले छ। यसमा IP66 वाटर रेजिस्टेन्स, NFC र इन–स्क्रिन फिंगरप्रिन्ट सेन्सर पनि उपलब्ध छन्। रेड्मी नोट १५ ४जी मा ६,००० एमएएच ब्याट्री, १०८ मेगापिक्सेल क्यामेरा, मिडियाटेक हेलियो जी१०० अल्ट्रा चिपसेट र १२० हर्ट्ज रिफ्रेस रेटको डिस्प्ले छ।
शाओमीले यस सिरिजलाई ‘रेड्मी टाइटन’ अवधारणासहित मजबुत बनावट, लामो ब्याट्री आयु, धुलो–पानी प्रतिरोध र झर्दा कम क्षति हुने क्षमतासहित प्रस्तुत गरेको छ। सबै मोडेलमा गुगल जेमिनी, सर्कल टु सर्च, शाओमी हाइपरओएस र वेट टच २.० जस्ता सुविधा समावेश छन्।
Adsलन्च अवसरमा शाओमीले २०२६ जनवरी १९ देखि फेब्रुअरी १४ सम्म विशेष प्रवद्र्धनात्मक अफर घोषणा गरेको छ। यस अवधिमा शाओमी बड्समा छुटसहितको बन्डल अफर र सबै मोडेलमा ९ महिना ० प्रतिशत ईएमआई सुविधा उपलब्ध हुनेछ। रेड्मी नोट १५ सिरिज नेपालभरि टेलिडाइरेक्ट प्रा.लि. र वत्सल इम्पेक्स प्रा.लि.को डिलर नेटवर्कमार्फत बिक्रीमा उपलब्ध छ।
मूल्यतर्फ, रेड्मी नोट १५ प्रो+ ५जी रु. ५९,९९९–६६,९९९, रेड्मी नोट १५ प्रो ५जी रु. ४९,९९९–५६,९९९, रेड्मी नोट १५ ५जी रु. ३९,९९९–४६,९९९ र रेड्मी नोट १५ ४जी रु. २९,९९९–३५,९९९ निर्धारण गरिएको छ।
प्रतिकृया