पक्राउ परेपछि के भन्छन् दक्षिण कोरियालीका राष्ट्रपति युन सुक?



Advertisement
Ads

महाभियोगको सामना गरिरहेका दक्षिण कोरियाका राष्ट्रपति युन सुक–योल पक्राउ परेका छन् ।


Advertisement

आज पक्राउ परेका उनले आफूविरुद्धको अनुसन्धान गैरकानुनी भएको बताएका छन् । यद्यपि, रक्तपात रोक्न पक्राउ गरिएको बताएका छन् ।


Advertisement

पक्राउपछि राष्ट्रपतिले भिडियो सन्देश जारी गर्दै आफूविरुद्धको अनुसन्धान अवैधानिक भएको बताएका छन् ।

युन सुक–योलले गत वर्ष डिसेम्बर ३ मा मार्सल ल लगाउने घोषणा गरेका थिए । तर, विरोधको सामना गरेपछि उनले केही घण्टापछि फिर्ता लिएका थिए ।

स्थानीय सञ्चारमाध्यमले राष्ट्रपतिको घरबाट सवारी साधन निस्किएको जानकारी दिएका छन् ।

दक्षिण कोरियाको अनुसन्धान एजेन्सी सीआईओले युनविरुद्ध बिहान ७ः२३ मा पक्राउ वारेन्ट कार्यान्वयन गरेको जनाएको छ ।

एक भिडियो विज्ञप्तिमा, पक्राउ परेका राष्ट्रपति युनले आफू भ्रष्टाचार अनुसन्धान कार्यालयमा उपस्थित हुन सहमत भएको बताएका छन् ।

“अवैध अनुसन्धान भए पनि मैले सीआईओसमक्ष हाजिर हुने निर्णय गरेको छु । रक्तपात नहोस् भनेर यो निर्णय लिएको छु,” उनले भने, “यद्यपि, यसको मतलब यो होइन म यो अनुसन्धानलाई सही मान्छु ।”

तीन मिनेटको भिडियो सन्देशमा, युनले अनुसन्धान एजेन्सी र पक्राउ पुर्जी जारी गर्ने अदालतसँग त्यस्तो अधिकार नभएको बताएका छन् ।

बीबीसी

यो पढेपछि तपाईलाई कस्तो लाग्यो ?



Advertisement
Ads
Advertisement
Ads

प्रतिकृया


सम्बन्धित खबर