युनाइटेड मोदी हाइड्रोपावरले गर्यो लाभांश घोषणा, कति दिदैछ सेयरधनीलाई लाभांश?

युनाइटेड मोदी हाइड्रोपावर लिमिटेडले आर्थिक वर्ष २०८१/८२ को नाफाबाट लाभांश घोषणा गरेको छ। कम्पनी सञ्चालक समितिको निर्णयअनुसार हाल कायम चुक्ता पुँजीको ७ प्रतिशत बोनस सेयर र कर प्रयोजनका लागि ०.३६८४२ प्रतिशत नगद लाभांश गरी कुल ७.३६८४२ प्रतिशत लाभांश वितरण गर्ने घोषणा गरिएको हो।

प्रस्तावित लाभांश विद्युत नियमन आयोगबाट स्वीकृति प्राप्त गरी आगामी वार्षिक साधारणसभाले पारित गरेपछि मात्रै सेयरधनीमा वितरण गरिने कम्पनीले जनाएको छ।