बेनी हाइड्रोपावर प्रोजेक्टको आईपीओ भर्ने आज अन्तिम दिन

२०८२ चैत्र १५ गते

बेनी हाइड्रोपावर प्रोजेक्टको आईपीओ भर्ने आज अन्तिम दिन

बेनी हाइड्रोपावर प्रोजेक्ट लिमिटेडले आयोजना प्रभावित स्थानीय बासिन्दाका लागि निष्काशन गरेको आईपीओमा आवेदन दिने आज, चैत्र १५ गते अन्तिम दिन हो। कम्पनीले चैत्र १ गतेदेखि सोलुखुम्बु जिल्लाका प्रभावित स्थानीयका लागि १० लाख ४० हजार कित्ता सेयर निष्काशन गरेको हो।

आयोजनाबाट प्रभावित स्थानीयलाई प्राथमिकताका आधारमा सेयर बाँडफाँड गरिएको छ। अतिप्रभावित क्षेत्र अन्तर्गत सोलुखुम्बु जिल्लाको सोलुदुधकुण्ड नगरपालिका वडा नं. २, ३ र ४ का स्थायी बासिन्दाका लागि ५० प्रतिशत अर्थात् ५ लाख २० हजार कित्ता सेयर छुट्याइएको छ।

यस्तै, प्रभावित क्षेत्र अन्तर्गत वडा नं. ५, ६, ७ र ११ का बासिन्दाका लागि ३० प्रतिशत अर्थात् ३ लाख १२ हजार कित्ता र न्यून प्रभावित क्षेत्र अन्तर्गत सोलुखुम्बु जिल्लाका अन्य बासिन्दाका लागि २० प्रतिशत अर्थात् २ लाख ८ हजार कित्ता सेयर छुट्याएर बिक्री गरिएको छ।

Ads

स्थानीयले यस आईपीओमा न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन्। आवेदन दिनका लागि एनएमबि बैंक (सल्लेरी शाखा), लक्ष्मी सनराइज बैंक (सल्लेरी शाखा), ग्लोबल आइएमई बैंक (सोलुखुम्बु शाखा) र प्राइम कमर्सियल बैंक (नेचा सल्यान शाखा) तोकिएका छन्।

उक्त आईपीओको बिक्री प्रबन्धकका रूपमा एनएमबि क्यापिटल लिमिटेड रहेको छ।