युनाइटेड मोदी हाइड्रोपावरको लाभांश सुरक्षित गर्ने आज अन्तिम दिन, कति दिँदैछ बोनस र नगद ?

युनाइटेड मोदी हाइड्रोपावर लिमिटेडले १२औं वार्षिक साधारणसभा तथा लाभांश वितरण प्रयोजनका लागि भोलि (वैशाख ४ गते) बुक क्लोज गर्ने भएको छ। त्यसअनुसार आजसम्म नेप्सेमा कारोबार भई कायम रहेका सेयरधनीहरूले कम्पनीले घोषणा गरेको लाभांश प्राप्त गर्न सक्नेछन्।

कम्पनीले हाल कायम चुक्ता पूँजीको ७ प्रतिशत बोनस सेयर र सो बोनस सेयरमा लाग्ने कर तिर्नका लागि ०.३६८४२ प्रतिशत नगद लाभांश वितरण गर्ने निर्णय गरेको छ।

Ads

Ads

Ads

उक्त प्रस्ताव अनुमोदन गर्न कम्पनीले वैशाख २७ गते काठमाडौंको कालीमाटीस्थित कालीमाटी ब्याङ्क्वेटमा बिहान ११ बजे वार्षिक साधारणसभा बोलाएको छ।

सभामा कम्पनीलाई होल्डिङ कम्पनीको रूपमा विकास गर्ने, सोअनुसार नाम परिवर्तन गर्ने तथा प्रबन्धपत्र र नियमावली संशोधन गर्ने विशेष प्रस्ताव पनि प्रस्तुत गरिनेछ। साथै, हकप्रद सेयर निष्काशन गर्ने र त्यसका लागि आवश्यक सम्पूर्ण काम अघि बढाउन सञ्चालक समितिलाई अख्तियारी दिने एजेन्डा समेत सभामा पेश गरिनेछ।