विशाल बजार कम्पनीको लाभांश सुरक्षित गर्ने आज अन्तिम दिन, कति दिँदैछ ?

विशाल बजार कम्पनी लिमिटेडले वितरण गर्न घोषणा गरेको १४ प्रतिशत नगद लाभांश (कर सहित) सुरक्षित गर्ने आज, फागुन ८ गते, अन्तिम दिन रहेको छ। कम्पनीले वार्षिक साधारणसभा तथा लाभांश वितरण प्रयोजनका लागि भोलि, फागुन ९ गते बुक क्लोज गर्ने भएकाले आजसम्म कायम रहेका शेयरधनीहरू मात्र लाभांश प्राप्त गर्न र सभामा भाग लिन योग्य हुनेछन्।

घोषित लाभांश पारित गर्न कम्पनीले यही फागुन २८ गते काठमाडौंको भद्रकालीस्थित त्रिभुवन आर्मी अफिसर्स क्लबमा बिहान ११ बजेबाट वार्षिक साधारणसभा आयोजना गर्ने जनाएको छ।