आज सुनचाँदीको मूल्य बढ्यो, तोलाको कतिमा हुँदैछ कारोबार ?

नेपाली बजारमा आज सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार सुनको मूल्य तोलामा ३०० रुपैयाँले बढेर अहिले प्रतितोला १ लाख ९२ हजार ३०० रुपैयाँ पुगेको छ। अघिल्लो कारोबार दिन सुन १ लाख ९२ हजार रुपैयाँमा कारोबार भएको थियो।

त्यस्तै, चाँदीको मूल्य पनि तोलामा ३५ रुपैयाँले बढेर हाल प्रतितोला २ हजार १७५ रुपैयाँमा किनबेच भइरहेको छ।