सानोपाइला सहकारी काण्डमा रवि लामिछानेलाई पर्सा पुर्‍याइयो

राष्ट्रिय स्वतन्त्र पार्टी (रास्वपा) का सभापति रवि लामिछानेलाई जिल्ला प्रहरी कार्यालय पर्सा ल्याइएको छ। सानोपाइला सहकारीको बचत रकमको अपचलन आरोपमा लामिछानेलाई बयानका लागि पर्सा पुर्‍याइएको हो। उनलाई कास्कीबाट जहाजमार्फत काठमाडौं र त्यसपछि सिमरासम्म गाडीमा लैजाने प्रक्रिया अपनाइएको थियो।

आइतबार पूर्व डिआइजी छविलाल जोशी र नेचर्स हर्ब्सका सञ्चालक रामबहादुर खनाललाई पनि पर्सा पठाइएको थियो। सानोपाइला सहकारीबाट गोर्खा मिडिया नेटवर्क र नेचर्स हर्ब्समा रकम गएको देखिएपछि प्रहरीले उनीहरूको खिलाफ पुर्जी जारी गरेको हो। सानोपाइला सहकारी संस्थामा एक अर्ब ४५ करोड भन्दा बढी बचत रकम थियो, जसमा गोर्खा मिडिया नेटवर्कमा ८ करोड भन्दा बढी रकम प्रवाह भएको देखिएको छ।

Ads

Ads

Ads

लामिछानेलाई कास्की जिल्ला अदालतले थप चार दिन हिरासतमा राख्न अनुमति दिएको छ। उनलाई सहकारी बचत रकम अपचलन, संगठित अपराध र सम्पत्ति शुद्धीकरण कसुरमा अनुसन्धान भइरहेको छ।