त्रिभुवन विश्वविद्यालय, शिक्षण अस्पताल महाराजगञ्जले रिक्त रहेका २५ वटा स्टाफ नर्स पदहरूमा करार सेवा मार्फत पदपूर्ति गर्नका लागि सूचना जारी गरेको छ। इच्छुक नेपाली नागरिकहरूले असार २५ गतेभित्र अनलाइन माध्यमबाट आवेदन दिनुपर्नेछ। यसका लागि मान्यता प्राप्त शिक्षण संस्थाबाट नर्सिङ विषयमा प्रमाणपत्र तह वा बी.एससी. नर्सिङ उत्तीर्ण गरेको र ४० वर्ष उमेर ननाघेको हुनुपर्नेछ। आवेदनका साथमा एस.एल.सी./एस.ई.ई. भन्दा माथिका शैक्षिक प्रमाणपत्र, नेपाली नागरिकता, नेपाल नर्सिङ काउन्सिलको दर्ता प्रमाणपत्र र पासपोर्ट साइजको फोटो अनिवार्य रूपमा अपलोड गर्नुपर्नेछ। आवेदन दस्तुर २,००० रुपैयाँ तोकिएको छ भने परीक्षा लिखित किसिमको हुनेछ। विस्तृत जानकारीको लागि अस्पतालको कर्मचारी प्रशासन शाखामा सम्पर्क गर्न वा वेबसाइट हेर्न सकिनेछ।
थप सुचनामा:
