नेपाल वायुसेवा निगम (नेवानि)ले अन्तर्राष्ट्रिय गन्तव्यका हवाई टिकट अब फोनमार्फत पनि बुकिङ तथा खरिद गर्न सकिने सुविधा सुरु गरेको छ।
निगमका अनुसार कार्यालय समयभित्र ९७७–०१–५७१८५३८ नम्बरमा फोन गरेर यात्रुले टिकट बुकिङ गर्न वा खरिद गर्न सक्नेछन्। यसअघि निगमको बिक्री कक्ष, आधिकारिक वेबसाइट र मोबाइल एपमार्फत टिकट काट्ने सुविधा उपलब्ध थियो।
फोनमार्फत यात्रुले आफू जान चाहेको गन्तव्यबारे जानकारी लिनुका साथै बुकिङका लागि आवश्यक विवरण, इमेल, मोबाइल नम्बर र आवश्यक कागजात उपलब्ध गराउन सक्ने निगमले जनाएको छ।
बुकिङ प्रक्रिया पूरा भएपछि टिकटको शुल्कसम्बन्धी क्यूआर मोबाइलमा प्राप्त हुने र त्यसमार्फत घरमै बसेर टिकट खरिद गर्न सकिने व्यवस्था गरिएको निगमले जानकारी दिएको छ।
![लर्न टेक्निकल एनालाइसिस फ्रम भेरी बेसिक, कम्प्लिट ट्युटोरियल डे १ [भिडियोसहित]](https://bajarkochirfar.com/wp-content/uploads/2026/08/VMkaBP0C2dM-maxresdefault-150x150.jpg)
प्रतिकृया