माबिलुङ्ग इनर्जी लिमिटेडले आईपीओ निष्काशनको अनुमति पायो, कति कित्ता आईपीओ निष्काशन गर्ने ?

माबिलुङ्ग इनर्जी लिमिटेडले आईपीओ निष्काशनको अनुमति पाएको छ ।असार १ गते नेपाल धितोपत्र बोर्डले कम्पनीलाई १८ करोड ९० लाख ५४ हजार रकम बराबरको १८ लाख ९० हजार ५४० कित्ता सेयर निष्काशनको अनुमति दिएको हो।

कम्पनीले प्रति कित्ता १०० रुपैयाँमा आईपीओ निष्काशन गर्नेछ। आइपीओ बिक्री प्रबन्धकमा लक्ष्मी क्यापिटल मार्केट लिमिटेड रहेको छ। कम्पनीले सर्वसाधारणका लागि ४८.९९९८ प्रतिशत अर्थात् १८ लाख ९० हजार ५४० कित्ता सेयर जारी गर्नेछ भने बाँकी ५१.०००२ प्रतिशत संस्थापक समूहको हुनेछ।