मतदातालाई केपी ओलीको प्रश्न, “देश बनाउनेलाई रोज्ने हो कि जलाउनेलाई ?”

नेकपा (एमाले)का अध्यक्ष केपी शर्मा ओलीले यही हप्तामा हुने प्रतिनिधिसभा चुनाव र वर्तमान राजनीतिक अवस्थाबारे आफ्नो धारणा सार्वजनिक गरेका छन्। ओलीले आज सामाजिक सञ्जालमार्फत भिडियो सन्देश जारी गर्दै मतदातालाई सचेत रहन आग्रह गरेका हुन्।

भिडियो सन्देशमा उनले भने, “यो चुनाव देश बनाउने र जलाउनेबीचको चुनाव हो। आज हामीलाई आफ्नो स्वाभिमान नझुक्ने, ग्यारेन्टी चाहिएको छ। त्यस ग्यारेन्टीका लागि देश पहिले भन्ने भावना आवश्यक छ। अहिलेको चुनाव पार्टी–पार्टीबीचको चुनाव होइन, यो त जलाउने र बनाउने मध्ये को रोज्ने ? भन्ने चुनाव हो।”

Ads

Ads

Ads

ओलीले देशको भूमि र जनतालाई सर्वोपरि रहेको बताएका छन्। उनले भने, “संविधान बचे मात्र तपाईंको अधिकार बच्छ। बोल्ने–बाँच्ने, न्याय पाउने र आफ्नो मत प्रयोग गर्ने अधिकार सुरक्षित हुन्छ। आज हामीलाई संविधान नहिल्लने, अधिकार नकुल्चिने ग्यारेन्टी चाहिएको छ, त्यसैले देश पहिले भन्ने भावना आवश्यक छ।”