अर्थसहित तीनवटा समितिको बैठक बस्दैँ, यस्तो छ कार्यसुची

संघीय संसदका तीनवटा समितिको बैठक आज सिंहदरबारस्थित संसद सचिवालयमा बस्ने भएका छन्।

संसद सचिवालयका अनुसार समितिहरूका बैठक क्रमशः बिहान र दिउँसो तोकिएको समयअनुसार सञ्चालन हुनेछन्।

अर्थ समितिको बैठक

अर्थ समितिको बैठक बिहान ११:०० बजे सुरू हुनेछ। बैठकमा भन्सारसम्बन्धी कानून संशोधन र एकीकरण गर्न तयार पारिएको विधेयक, २०८० सम्बन्धमा सरोकारवालासँग छलफल गरिनेछ।

राज्य व्यवस्था तथा सुशासन समितिको बैठक

राज्य व्यवस्था तथा सुशासन समितिको बैठक दिउँसो १२:१५ बजे बोलाइएको छ। बैठकमा संघीय निजामती सेवाको गठन, सञ्चालन, र सेवाका सर्त व्यवस्थाबारे छलफल हुनेछ।

विधायन व्यवस्थापन समितिको बैठक

विधायन व्यवस्थापन समितिको बैठक बिहान ११:३० बजेबाट सुरू हुने तय भएको छ। बैठकमा तिलगंगा नेत्र विश्वविद्यालय विधेयक, २०८१ माथि दफावार छलफल हुने समितिले जनाएको छ।

तीनवटै बैठकमा सम्बन्धित विधेयक र अजेन्डाहरूमा महत्वपूर्ण छलफल हुने अपेक्षा गरिएको छ।